आई येऊ का? आईला सोडल्यानंतर रत्नागिरीत मैत्रिणीच्या फल्टॅमध्ये घेतला गळफास
रत्नागिरी: रत्नागिरी शहराजवळच्या मिरजोळे एमआयडीसी येथील साईभूमीनगर येथील एका बिल्डिंगमध्ये २४ वर्षीय तरुणाने मैत्रीणीच्या फ्लॅटमध्ये आत्महत्या केल्याने खळबळ उडाली आहे. पण, या प्रकरणाचे गुढ आता वाढले आहे. याप्रकरणी वैद्यकीय अधिकाऱ्यांनी शवविच्छेदन अहवाल रिपोर्ट राखून ठेवल्याने या आत्महत्येचे गुढ वाढले आहे. साहिल विनायक मोरे (२४ रा. अलावा मिऱ्या, रत्नागिरी) असे मृत्यू झालेल्या तरुणाचे नाव आहे. याप्रकरणी रत्नागिरी पोलीस सगळ्याच शंका लक्षात घेऊन तपास करत आहेत. मात्र तपास सुरू असुन अद्याप कोणत्याही ठाम निष्कर्ष निघालेला नाही.
सूत्रांनी दिलेल्या माहिती नुसार साहिल मोरेच्या मृत्यूने अनेक प्रश्न उपस्थित केले जात आहे. मांजराच्या गळ्यात घातल्या जाणाऱ्या पट्ट्याने आत्महत्या होऊ शकते का? आत्महत्या झाली त्यावेळी तिथे कोणी नव्हते, मग ती मैत्रीण कुठे होती असे काही प्रश्न उपस्थित झाले आहेत. कीचनमधील सूरी सापडली, सुरीने पट्टा कापल्याचे मैत्रीणीने दिलेल्या जबाबात म्हटले आहे.
एमआयडीसीच्या गॅरेजमधून मित्र अल्टो गाडी घेऊन येतो. त्या गाडीतून साहिलला दवाखान्यात आणलं जात, मग मदतीसाठी शेजारच्यांना का बोलवलं गेलं नाही. पण, ठोस असं दिसत नाही यासाठी पुढील तपासणीसाठी प्रयोगशाळेत पाठवण्यात आले आहे.
त्या युवकाचा घातपात की आत्महत्या कारण वैद्यकीय अहवालानुसार गुदमरून जीव गेल्याचे प्राथमिक अंदाज आहे. त्या मुलीने पोलिसांना दिलेल्या माहिती नुसार चाकूने पट्टा कापून तिने तो साहिल च्या गळ्यातून काढला. बॉयफ्रेंड किती असावेत किंवा किती नसावेत किंवा बॉयफ्रेंड मधून हा प्रकार घडला का याचीही चर्चा सुरू आहे .
सूत्रांनी दिलेल्या माहितीनुसार मयत साहिल विनायक मोरे हा अधून-मधून मैत्रिणीकडे राहायला जात असते. साहिलला त्या मैत्रिणीने फोन करून बोलावल्याने तो सकाळी साडेनऊ वाजताच्या दरम्यान साई भुमी नगर येथील त्या फ्लॅटमध्ये गेला.
फ्लॅटची मालकीण यांना आर टी ओ कार्यालयात काम असल्याने त्या बाहेर पडून गेल्याचे समजते. तर घटना घडल्यानंतर साहिलच्या समवेत असणाऱ्या त्याच्या मैत्रिणीने बहिणीला बोलावून घेतले. तर त्या बहिणीच्या मांडीवर साहिल झोपलेल्या अवस्थेत आढळला. दरम्यान या फ्लॅटमध्ये मांजराच्या गळ्यातील एक लाल रंगाचा तुटलेला पट्टा आढळला. एक चाकू होता. ज्यावरुन पट्टा कापलेला असावा असे समजते. पण फ्लॅटमधील सगळ्या वस्तू जशाच्या तशा होत्या एकही चमचा किंवा डिश इथे कुठे पडलेले नसल्याचे समजते.
जर मांजराच्या गळ्यातल्या पट्ट्यांनी फॅनवर लटकून आत्महत्या केली असती तर फॅनही खाली आला असता. अशा अनेक शंका उपस्थित झाल्या आहेत. मुलीने आपल्या ओळखीच्या गॅरेज मधील मित्रांना बोलावून घेतलं. तो अल्टो कार घेऊन आला, त्याने अल्टोमधून सहिलला हॉस्पिटलला दाखल केले. परंतु त्या मुलीने नेमकं काय केलं किंवा त्या मुलाने नेमकं काय पाहिलं याबाबत साशंकता व्यक्त केली जात आहे.
साहिल एमआयडीसी येथील एका कार शोरुममध्ये कामाला होता. तर तो अवजड वाहन चालवण्याचे प्रशिक्षणही घेत होता. साहिलचे एका फायनान्स कंपनीतील मुलीशी प्रेमसंबंध होते. साहिलची आई जेटीवर मच्छि विक्रीचा व्यवसाय करते. शुक्रवारी सकाळी त्याने आईला जेटीवर सोडल्यानंतर तो आपल्या प्रेयसीला भेटण्यासाठी साईभूमी नगर येथील प्रेयसीच्या मैत्रिणीच्या फ्लॅटवर गेला होता. परंतू त्या दोघांमध्ये काही महिन्यांपूर्वी भांडण झालेले होते. त्यामुळे ते एकमेकांना भेटायचे पण फारसे बोलत नव्हते. याप्रकरणी अधिक तपास महिला पोलीस उपनिरीक्षक मुक्ता भोसले करत आहेत.
