काल लेकीना तडफडुन सोडला अन् आज आईने जगाचा निरोप घेतला; अकोल्यात आनंदी तुपवने कुंटुब उद्वस्त

अकोला : आई आणि मुलगी दुचाकीने घरी जात असताना भरधाव कंटेनरने त्यांना धडक दिली. त्यात पंधरा वर्षीय मुलीचा जागीच मृत्यू झाला, तर आई गंभीर जखमी झाल्याने तिला उपचारासाठी रुग्णालयात दाखल केलं. परंतु उपचारादरम्यान आईचाही दुर्दैवी मृत्यू झाला. ही घटना अकोला शहरातील नेहरू पार्क चौकात काल जागतिक महिला दिनाच्या रात्री म्हणजेच बुधवारी दहा वाजताच्या सुमारास घडली. संपदा तुपवणे असे अपघातात मृत्यू झालेल्या मुलीचे नाव आहे तर किरण तुपवने असं मृत आईचे नाव आहे.

आई किरण तुपवने (वय ४५) आणि मुलगी संपदा वय (१६) रा. पाटबंधारे कार्टर, अकोला या दोघी दुचाकीने ‘हॉटेल सेंटर प्लाझा’ येथील महिला दिनाच्या कार्यक्रमाला गेल्या होत्या. रात्री दहा वाजताच्या सुमारास घरी परतीच्या मार्गावर असताना नेहरू पार्क चौकातून वळण घेणार इतक्यात उड्डाण पुलावरून भरधाव आलेल्या कंटेनरने त्यांच्या दुचाकीला धडक दिली. या अपघातात दुचाकीचा पूर्णतः चुराडा झाला असून मुलीचा (संपदा) जागीच मृत्यू झाला. तर आई (किरण) गंभीर जखमी झाली.

यावेळी जमावाने कंटेनर चालक मोहम्मद साबान मोहम्मद कासिम (रा. मधुबन, बिहार) याला चांगला चोप दिला. या घटनेची माहिती मिळताच पोलिस घटनास्थळी दाखल झाले. संबंधित पोलीस ठाण्यात अपघाताची नोंद करण्यात आली आहे. तसेच कंटेनर चालकालाही ताब्यात घेण्यात आले आहे. तर जखमी अवस्थेत असलेल्या किरण तुपवने यांना तातडीने रुग्णालयात उपचारासाठी रुग्णालयात दाखल करण्यात आले. परंतु उपचारादरम्यान त्यांचा आज मृत्यू झालाय.

दरम्यान नेहरू पार्क चौकात वाहनांची गर्दी होत असताना इथे एकही वाहतूक पोलिस नसतो. तसेच कंटेनर शहरात शिरला कसा? त्याला पोलिसांनी का अडवले नाही? असे एक ना अनेक प्रश्नांमुळे वाहतूक पोलिसांच्या कार्यक्षमतेवर शंका निर्माण होत आहे.

किरण तुपवणे या पाटबंधारे विभागात नोकरीला होत्या. तर मुलगी संपदा दहाव्या वर्गात शिकत होती. दरम्यान, किरण तुपवने हे जुन्या पेन्शनसाठी लढा द्यायच्या. तसेच जुनी पेन्शन संघटनेच्या त्या अकोला महिला प्रमुख म्हणूनही काम पाहत होत्या. माय लेकींच्या जाण्याने तुपवणे कुटुंबीयांना मोठा धक्का बसला आहे.

Similar Posts

Leave a Reply

Your email address will not be published. Required fields are marked *