‘बाबु ,ये घरी मी एकटीचं आहे’,कोल्हापुरात गर्लफ्रेंडला भेटण्यासाठी रात्री १ वाजता गेला, झाडाखाली गुलुगुलु बोलतांना…
कोल्हापूर: येथील भुदरगड तालुक्यातील पाचर्डे गावात प्रियसीने घरात कोणी नसलेल पाहून घरी भेटायला बोलवलेल्या अल्पवयीन प्रियकराचा अचानक घरचे आल्याने सापडल्यावर पळून जाताना विहिरीत पडून मृत्यू झाला आहे. शुभंकर संजय कांबळे (वय १७, रा.वाकीघोल, ता. राधानगरी, जि.कोल्हापूर) असे मुलाचे नाव आहे. या घटनेची नोंद भुदरगड पोलिसात करण्यात आली आहे.
याबाबत मिळालेली माहिती अशी, शनिवारी रात्री पाचर्डे येथील अल्पवयीन प्रियसीने घरात कोणी नसलेल पाहून प्रियकर शुभंकर संजय कांबळे याला घरी बोलावले. तो तिला भेटायला आला होता. दरम्यान रात्री अडीचच्या सुमारास बाहेर गेलेले तिच्या घरची मंडळी घरी आले. यावेळी दोघे ही घराजवळ असलेल्या आनंदा ज्ञानू कांबळे यांचे घरासमोरील झाडाचे खाली बोलत उभे असलेले दिसले.
यावेळी त्या दोघांना तेथील हजर असलेल्या अशोक गोविंद कांबळे (रा. पाचर्डे) यांनी एकमेकांपासून वेगळे केले. रंगराव कांबळे व संजय साताप्पा कांबळे यांनी त्याच्या उजव्या हाताला दोरी बांधून त्यास गोविंद कृष्णा कांबळे यांच्या दारातील आंब्याच्या झाडाला बांधून घातले. त्यानंतर याची कल्पना पोलिस पाटील शिल्पा कांबळे यांना दिली आणि त्यांनी या घटनेची माहिती पोलिसांना दिली.
दरम्यान पहाटे पावणे तीनच्या सुमारास शुभंकर याने हाताला हिसडा मारुन तेथून अंधारातून पळण्याचा प्रयत्न केला. यावेळी गावातील लोक त्याला पकडण्यासाठी त्याच्या पाठलाग करू लागले. अंधारातून पळताना रस्ता ओलांडून पुढे जात असताना अंधारात विहीर न दिसल्याने शुभंकर हा धोंडीराम गोविंद लाड यांच्या शेतातील विहीरीत पडला आणि त्याचा पाण्यात पडुन बुडून मृत्यू झाला. याबाबतची फिर्याद पोलीस पाटील शिल्पा कांबळे (पाचर्डे ता. भुदरगड) यांनी भुदरगड पोलिसात दिली आहे.
