बुलढाण्यात कर्तव्यावर असतानाच मृत्यूने गाठले, पोलिस बापाच्या मृत्यूने चिमुरड्यांचा आक्रोश

बुलडाणा : खाकी वर्दी एकदा अंगावर चढली की त्याकरता जीवाची पर्वाही कर्मचारी करत नाही. आणि त्यातच कर्तव्य सांभाळत असताना आणि त्या क्षेत्रामध्ये तरुणांना घडवण्याकरता सततची धडपड करत असेल तर वेळही अपुरा पडतो. आणि यातच जेव्हा नियती घात करते, तर सर्व स्वप्न अधुरे राहतात. इतकंच काय तर आपलं कुटुंबही सोडून तो निघून जातो. हे घडलं आहे बुलढाण्यातील पोलीस नाईक संतोष वानखेडे यांच्या आकस्मात निधनाने.

पिंपळगाव राजा येथून जवळच असलेल्या ग्राम ज्ञानगंगापूर येथील पोलीस नाईक संतोष समाधान वानखडे (वय वर्षे ३७ ) हे उपविभागीय पोलीस अधिकारी कार्यालय खामगाव येथे कर्तव्यावर होते. यावेळी त्यांना अचानक अस्वस्थ वाटू लागले. त्यामुळे त्यांना हॉस्पिटलमध्ये नेण्यात आले असता. यावेळी डॉक्टरांनी त्यांना मृत घोषित केले. ही दुर्दैवी घटना १३ मार्चला संध्याकाळी घडली. त्यामुळे जिल्हा पोलीस दलासह पंचक्रोशीत शोककळा पसरली आहे.

पोलीस सूत्रांनी दिलेल्या माहितीनुसार पोलीस नाईक संतोष समाधान वानखडे हे खामगाव येथे उपविभागीय पोलीस अधिकारी कार्यालयात कार्यरत होते. १३ मार्चला ते जिल्हा मुख्यालयातून काम आटपून खामगाव येथे परतले होते.छातीत संध्याकाळी अचानक वेदना होऊन त्यांना अस्वस्थ वाटू लागले. त्यांना खामगाव येथील हॉस्पिटलमध्ये नेण्यात आले. मात्र, हृदयविकाराच्या तीव्र झटक्याने त्यांची काही वेळातच प्राणज्योत मालवली. त्यांच्या पार्थिवावर जिल्हा पोलीस दलाकडून ज्ञान गंगापूर येथील शासकीय इतमामात अंत्यसंस्कार करण्यात आले.

पोलीस नाईक संतोष वानखेडे यांच्या प्रामाणिकपणा व मनमिनाळू स्वभाव असल्याने त्यांचे पंचक्रोशीतील व जिल्ह्यातील अनेकांनी जिव्हाळ्याचे संबंध होते. त्यांच्या अकाली निधनाची वार्ता परिसरात कळताच सर्वत्र शोकळा पसरली. त्यांची जिद्द, चिकाटी व संघर्षाचे पंचक्रोशीतील अनेक नागरिक साक्षीदार आहेत. गोरगरिबांना मदत देणारे आणि संघर्ष काय असतो हे समजून सांगणारे म्हणून त्यांची ओळख होती.

संतोष वानखेडे यांच्या पश्चात पत्नी सोनल वानखडे (वय वर्षे ३२) मुलगा हर्षल (वय वर्ष १०) आणि मुलगी परी (वय वर्षे ८) असा परिवार आहे. नुकतीच त्यांची नांदूर येथे बदली झाली होती. १४ मार्चला ज्ञान गंगापूर येथे त्यांच्या पाथीवर अंतिम संस्कार करण्यात आले.

यावेळी अप्पर पोलीस अधीक्षक थोरात उपविभागीय पोलीस अधिकारी अमोल कोळी पिंपळगाव राजा पोलीस स्टेशनचे ठाणेदार सतीश आडे खामगाव शहरचे ठाणेदार शांतीकुमार पाटील, सरपंच ज्ञानेश्वर महाले यांच्यासह पोलीस दलाचे जवान, होमगार्ड जवान, राजकीय व सामाजिक कार्यकर्ते यांनी पोलीस नाईक संतोष वानखेडे यांना अखेरची सलामी दिली.

सोशल मीडियावर हळहळ…
पोलीस नाईक यांचे नवयुवकांशी जिव्हाळ्याचे संबंध होते. नवयुवकांना सक्षम बनवण्यासाठी ते सातत्याने मार्गदर्शन करत होते. त्यांच्या अकाली निधनाने या नवयुवकांना धक्का बसला. अखेर त्यांना शेवटचा निरोप देण्यात आला. यावेळी सोशल मीडियावर त्यांच्या अकाली निधनाचे हळहळ व्यक्त होत करण्यात येत होती.

Similar Posts

Leave a Reply

Your email address will not be published. Required fields are marked *