6 महिन्यापुर्वी आत्महत्या केलेली बहिण खरचं झाली जिवंत, भावांनी चिताही पेटवली; बहिणीच्या तोंडुन विचीत्र प्रकरण ऐकुण भावांनी…
नवी दिल्ली: दिल्ली जवळील नोएडातील बिसरखम येथून हत्येची एक धक्कादायक घटना समोर आली आहे. जिथे एका मुलीने आपल्या प्रियकरासोबत मिळून एक भयानक हत्येचा कट रचला. हे प्रकरण दादरीच्या बडपुरा गावाशी संबंधित आहे. काही दिवसांपूर्वी १२ नोव्हेंबर रोजी दादरी पोलिसांना २१ वर्षीय तरुणीने आत्महत्या केल्याची माहिती मिळाली. मृतदेहाचा चेहरा पूर्णपणे जळालेला होता. मृतदेहाजवळ एक सुसाईड नोट देखील सापडली होती. त्यामध्ये लिहिलं होतं, माझा चेहरा जळाला आहे, आता मला या चेहऱ्यासोबत जगायचे नाही.पायल असे मृत तरुणीचे नाव सांगण्यात आले.
बहीण समजून अंत्यसंस्कार
पायलच्या कुटुंबात दोन भाऊ आहेत. तिचे आई-वडील खूप वर्षांपूर्वी वारले. या भावांनी आपलीच बहीण समजून त्या मृतदेहावर अंत्यसंस्कार केले. पण, आता हा मृतदेह पायलचा नसून हेमलता नावाच्या तरुणीचा असल्याची धक्कादायक बाब पुढे होता. पायलची इच्छा होती की लोकांनी तिला मृत समजावे. म्हणून तिने हेमलता नावाच्या तरुणीशी मैत्री केली.
त्यानंतर काहीदिवसांनी तिला आपल्या घरी बोलावले आणि चाकूने वार करुन तिची हत्या केली. त्यानंतर तिने हेमलताला आपले कपडे घातले आणि तिच्या चेहऱ्यावर गरम मोहरीचं तेल ओतून तिला जाळलं. त्यानंतर अजयने हेमलताच्या दोन्ही हातांच्या नसा कापल्या आणि एक सुसाईड नोटही लिहिली. त्यानंतर ती अजयसोबत पळून गेली.
असा आला गुन्हा उघड
हेमलता यांच्या भावाने बहीण बेपत्ता झाल्याची तक्रार पोलिसांत दाखल केल्यावर हा प्रकार उघडकीस आला. पोलिसांनी हेमलताचा नंबर ट्रेस करण्यास सुरुवात केली तेव्हा त्यांना आरोपी पायलचा प्रियकर अजयचा नंबर सापडला. अजयचा नंबर ट्रेस करून पोलीस अजयपर्यंत पोहोचले. अजयची कसून चौकशी केली असता त्याने संपूर्ण घटना सांगितली.
पायलला अजयशी लग्न करायचे होते
पायलला अजयशी लग्न करायचे होते. घरातील लोक हे लग्न होऊ देणार नाहीत, अशी भीती तिला वाटत होती. या भीतीपोटी तिने हा सगळा कट रचला जेणेकरून लोकांना ती मृत झाली असे वाटावं आणि ती अजयसोबत कुठेतरी आरामात राहू शकेल, असं पायलचे आजोबा ब्रह्म सिंह यांनी सांगितलं.
भावांकडून लग्नाची तयारी सुरु
पायलला दोन भाऊ आहेत. भावंडांमध्ये ती सर्वात मोठी आहे. त्यांनी बीएपर्यंत शिक्षण घेतले आहे. दादा आणि तिचे भाऊ पायलच्या लग्नाची तयारी करत होते. लग्नासाठी दागिन्यांचीही तयारी सुरू होती. पायलसाठी दिल्ली आणि इतर भागात स्थळं पाहिली जात होती, असंही तिच्या आजोबांनी सांगितलं.
तपासादरम्यान पोलीस पायलपर्यंत पोहोचले आणि संपूर्ण प्रकरण उघडकीस आल्याची माहिती मिळाली आहे. हेमलताच्या हत्येच्या आरोपावरून पोलिसांनी पायल आणि अजयसह ४ जणांना ताब्यात घेतले आहे. या प्रकरणाचा तपास अजूनही सुरू आहे.
